Merz: Evropa duhet të marrë vendime të forta për të shmangur rënien ekonomike

Kancelari gjerman, Friedrich Merz u bëri sot thirrje liderëve evropianë që të marrin vendime të guximshme, duke përfshirë lehtësimin drastik të rregulloreve, në mënyrë që Evropa të shmangë rënien ekonomike.

“Pas 25 vjetësh rënieje progresive krahasuar me konkurrentët tanë kryesorë, është koha për të marrë sërish vendime të forta”, deklaroi Merz përpara një grupi industrialistësh në Anversë.

Ai theksoi se vetëm një Evropë ekonomikisht e fuqishme mund të jetë sovrane dhe se është koha për të vepruar shpejt.

Merkz kërkoi liberalizim të të gjithë sektorëve dhe rishikimin e të gjithë legjislacionit evropian, duke mos u kufizuar vetëm në ndryshime të vogla.

Ai gjithashtu kritikoI propozimin francez për të vendosur preferencën evropiane, që do të detyronte kompanitë që marrin fonde publike të furnizohen me komponentë të prodhuar në Evropë.

Merz tha se një masë e tillë duhet të aplikohet vetëm në sektorë strategjikë dhe si zgjidhje e fundit, duke mos përjashtuar vendet partnere të BE-së, duke mbështetur më shumë ”Made with Europe” sesa ”Made in Europe”.