Merz: Gjermania dhe BE-ja duhet të përdorin fuqinë e tyre kundër rënies ekonomike

Në një fjalim para parlamentit të Gjermanisë, Bundestag, kancelari gjerman Friedrich Merz bëri thirrje të enjten për përmirësimin e bashkëpunimit ekonomik dhe mbrojtës evropian si veprime kundër rënies ekonomike dhe kërcënimeve të jashtme të sigurisë.

Më së shumti, Merz argumentoi për forcimin e aftësive mbrojtëse të Gjermanisë dhe NATO-s në Evropë, duke thënë se të qenit “një forcë për paqen në botë” ishte një nga idealet themeluese të Bashkimit Evropian.

Merz tha se javën e kaluar kishte rritur shpresat për një “paqe të vërtetë dhe të qëndrueshme në rajon”, por tha gjithashtu se, Gjermania dhe BE-ja mund të nxjerrin mësim nga ngjarjet e ndodhura.

“Veprimi politik bën një ndryshim në këtë botë, për mirë a për keq. Evropa duhet të përdorë më me vendosmëri dhe në mënyrë më të unifikuar aftësitë e saj. Duhet ta përdorë fuqinë e saj, për ta formësuar botën për mirë”, tha Merz.

Duke folur përpara një samiti të liderëve të BE-së në Bruksel më 23 tetor, kancelari përsëriti mbështetjen e tij për planet për të rritur shpenzimet e mbrojtjes dhe që Gjermania të marrë një rol më të vendosur brenda Evropës.

“Paqja mund të ekzistojë në liri vetëm kur ajo bazohet në forcë. Me forcë ekonomike, me forcë dhe vendosmëri politike, si dhe me forcë ushtarake”, shtoi Merz.

LEXONI GJITHASHTU:

• Marrëveshja për Gazën, Merz: Gjermania do ofrojë 29 milionë euro ndihma humanitare