Mes kaosit të protestave, Policia e Los Anxhelosit raporton vjedhje të bizneseve

9 Qershor 2025 | 11:54

Departamenti i Policisë së Los Anxhelosit ka raportuar raste të vjedhjeve së dyqaneve në pjesë të qytetit të përfshira nga protestat kundër ndalimeve masive të emigrantëve të paligjshëm.

“Pronarët e bizneseve po raportojnë se dyqanet po vidhen në zonën e 6th St dhe Broadway. Oficerët janë në rrugë drejt vendit për të hetuar”, postoi departamenti në faqen e tij në mediat sociale X. Policia lokale u ka kërkuar gjithashtu banorëve të raportojnë çdo vandalizëm, dëmtim ose plaçkitje dhe të fotografojnë të gjitha dëmet.

Protestat kundër ndalimeve masive të migrantëve pa dokumente vazhdojnë për të tretën ditë në Los Angeles. Zëvendës Shefi i Shtabit të Shtëpisë së Bardhë, Stephen Miller, i përshkroi protestat dhe trazirat në Kaliforni si një kryengritje dhe kritikoi qëndrimin e shefit të policisë së Los Angeles, i cili kishte refuzuar të merrte pjesë në deportimet masive të migrantëve.

Presidenti i SHBA-së, Donald Trump, kishte urdhëruar vendosjen e 2,000 trupave të Gardës Kombëtare nga Kalifornia në Los Angeles për t’iu përgjigjur trazirave pa u konsultuar me Guvernatorin e Kalifornisë, Gavin Newsom. Trupat filluan të mbërrinin në qytet mëngjesin e 8 qershorit.

Sipas autoriteteve, dy oficerë policie u plagosën më 8 qershor. Forcat e rendit po përpiqen të rihapin autostradën kryesore të qytetit, një pjesë e së cilës ishte bllokuar nga protestuesit. Raportet e mediave lokale tregojnë se demonstruesit janë përleshur me policinë, duke hedhur shishe dhe gurë drejt oficerëve.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

BE miraton paketën e 21-të të sanksioneve ndaj Rusisë, goditen bankat, nafta dhe “flota në hije”

Këshilli i Bashkimit Evropian ka miratuar paketën e 21-të të masave kufizuese kundër Rusisë, duke zgjeruar sanksionet ndaj sektorëve që, sipas Brukselit, mbështesin ekonominë ruse...
21:13 | 23/07/2026

Britania dënon sulmet Huthi ndaj cisternave saudite

Mbretëria e Bashkuar dënoi ashpër sulmet e rebelëve Huthi ndaj cisternave saudite të naftës, duke i cilësuar ato si një kërcënim serioz për jetën, mjedisin...
19:59 | 23/07/2026

Gomarët që po parandalojnë përhapjen e zjarreve masive në Spanjë sfidojnë përpjekjet e teknologjive të larta

Tivissa Donkey Firefighters , një organizatë jofitimprurëse në Katalonjën jugore, rehabiliton gomerët e keqtrajtuar dhe të braktisur dhe i punëson ata si “zjarrfikës” në këtë...
19:46 | 23/07/2026