Messi shënon në MLS, Inter Miami rikthehet tek fitorja, triumfon me rezultatin 2-0

Lionel Messi padyshim është futbollisti më i mirë në Amerikë, ku duket se kompeticionet mbeten veçse formalitet për të, me argjentinasin që shënon rregullisht.

MLS është rikthyer, po ashtu dhe Miami, i cili shijon 3 pikët pas disa rezultatesh negative radhazi. Përballja e radhës ishte ndaj New York Redbulls, e humbur nga këta të fundit me rezultatin 0-2.

Gomez zhbllokoi rezultatin në pjesën e parë duke kaluar në avantazh Inter Miamin. Në minutat e fundit të sfidës ishte Kremaski që shërbeu për Messin, me yllin argjentinas që me portën bosh e ndali topin në rrjetë. Ndeshjen e radhës, Inter Miami e zhvillon në shtëpi ndaj Nashville, ndërsa një numër i madh biletash janë shitur që tani.

Kujtojmë se Inter Miami është në finalen e Us Open, ndërsa arriti të fitonte kupën e ligës pak ditë më parë. Messi është absolutisht protagonist kryesor në skuadrën që ka si pronar ish-futbollistin David Beckham, ndërsa që prej kalimit të tij në SHBA ka arritur të shënojë plot 11 gola.