Meta: PL nismë për skemën e pensioneve, ta përfitojnë edhe ata me 15 vite punë

Kreu i Partisë së Lirisë, Ilir Meta ka zhvilluar një tryezë diskutimi me ‘pensionistët dhe grupet në nevojë”.

Meta u shpreh se Partia e Lirisë do të ndërmarrë një nismë për skemën e pensioneve e cila siç tha ka diskriminuar pensionistët si shtresa më vulnerabël e shoqërisë.

Sipas  tij, qeveria i ka borxh secilit pensionist në zonat urbane mesatarisht në çdo muaj 7489 lekë dhe në zonat rurale 3238 leke për shkak të mos indeksimit të plotë mbi bazën e inflacionit të artikujve ushqimore dhe rritjes së munguar të pensionit nga rritja ekonomike.

“Për t’i dhënë fund kësaj padrejtësie Partia e Lirisë do të propozojë një iniciativë ligjore për ndryshimin e skemës së sigurimeve shoqërore për t’u mundësuar të gjithë atyre personave të cilët nuk i kanë plotësuar vitet e nevojshme të punës sipas ligjit, të përfitojnë pension të pjesshëm të pleqërisë, pavarësisht se kanë më pak se 15 vite gjithsej pune sipas kontributit të tyre”, tha Meta.

LEXONI GJITHASHTU:

• Meta: PL, propozim për ndryshimin e skemës së sigurimeve shoqërore
• Protesta e fermerëve, Meta nga Korça: Ballkani i Hapur shkatërroi prodhimin vendas