Partia e Lirisë, përmes një letre zyrtare drejtuar drejtorit të përgjithshëm të policisë së shtetit, kërkon t’u vihen në dispozicion emrat e të gjithë skuadrës policor që ekzekutuan urdhrin e GJKKO për arrestimin e Ilir Metës.
Në letrën e nënshkruar nga Sekretari i Përgjithshëm i PL, Tedi Blushi dhe deputetët Petrit Vasili dhe Erisa Xhixho thuhet se presidenti i Partisë së Lirisë, Ilir Meta u nxor forcërisht nga automjeti me të cilin udhëtonte, u rrëmbye me dhunë, u tërhoq zvarrë mes publikut nga personat me maska, me një trajtim kriminal, denigrues dhe degradues, pa ju komunikuar asnjë vendim gjyqësor dhe pa ju lexuar të drejtat, që i takonin.
Partia e Lirisë kërkon nga drejtori i policisë dhe ministri i Brendshëm që brenda datës 7 nëntor t’u vihen në dispozicion edhe emrat e emrat e personave që kanë urdhëruar dhe kanë udhëhequr këtë operacion kriminal.
Kreu i Partisë së Lirisë dhe ish-presidenti Ilir Meta u arrestua në 21 tetor me urdhër të SPAK.
Ai akuzohet për korrupsion, pastrim parash dhe fshehje pasurie.
