Migracioni i paligjshëm, SHBA, Kina dhe Franca bashkohen për Samitin në Londër

Përfaqësues nga SHBA, Kina, Franca dhe 40 vende të tjera janë mbledhur në Londër për një samit dy-ditor që synon trajtimin e migracionit të paligjshëm.

Kryeministri i Mbretërisë së Bashkuar, Sir Keir Starmer, do të paralajmërojë kundër ndarjeve politike dhe akuzave për vendosjen e “kombeve kundër njëri-tjetrit” lidhur me tregtinë e kontrabandës së njerëzve.

Në prag të samitit, Ministria e Brendshme ka njoftuar një investim prej 33 milionë funte për të luftuar rrjetet e kontrabandës dhe për të forcuar ndjekjet penale. Delegacione nga vendet e prekura nga emigrimi, si Vietnami, Shqipëria dhe Iraku, së bashku me përfaqësues të Interpolit dhe kompanive të mediave sociale, do të diskutojnë mënyra për të ndërprerë këtë tregti kriminale që vlerësohet të ketë një vlerë prej 10 miliardë dollarësh në vit.

Starmer ka shprehur shpresën se ky samit do të kontribuojë në forcimin e politikave të emigracionit të Mbretërisë së Bashkuar dhe do të ndihmojë në zvogëlimin e presionit mbi shërbimet publike britanike.

LEXONI GJITHASHTU:

• Keir Starmer: Kontrabandistët duhet të trajtohen si terroristë
• Elon Musk dhuron 1 milion dollarë për votuesit të Wisconsin