Miliarderët goditen nga tarifat e Trump, më i dëmtuari është Elon Musk

Bloomberg raportoi se Elon Musk, CEO i Tesla-s, humbi 11 miliardë dollarë një ditë pas hyrjes në fuqi të tarifave të reja të shpallura nga administrata e Donald Trump. Musk, një mik i njohur i presidentit amerikan, ishte ndër miliarderët më të goditur në SHBA pas zbatimit të tarifave të reja.

Sipas të dhënave të Bloomberg, më shumë se gjysma e njerëzve që monitorohen nga indeksi i pasurisë u goditën me humbje të konsiderueshme pas shpalljes së tarifave. Pjesa më e madhe e 500 personave më të pasur në botë humbën gjithsej 208 miliardë dollarë brenda një dite.

Jeff Bezos, themeluesi i Amazon dhe Mark Zuckerberg i Meta, gjithashtu pësuan humbje të mëdha. Ja çfarë ndodhi për disa prej miliarderëve më të mëdhenj të botës:

Elon Musk: Të enjten, një ditë pas shpalljes së tarifave, Musk humbi 11 miliardë dollarë. Në total, CEO i Tesla ka humbur 110 miliardë dollarë këtë vit deri më tani. Aksionet e Tesla-s ranë me 5.5% të enjten.

Jeff Bezos: Aksionet e Amazon ranë me 9% të enjten, duke i kushtuar Bezos 15.9 miliardë dollarë në pasuri personale.

Mark Zuckerberg: Zuckerberg, themeluesi i Meta, ka humbur 17.9 miliardë dollarë që nga shpallja e tarifave të reja, duke përbërë rreth 9% të pasurisë së tij. Që nga mesi i shkurtit, aksionet e Meta kanë rënë me rreth 28%.

Këto humbje janë pasojë e ndikimit të drejtpërdrejtë të tarifave të reja të vendosura nga administrata e Trump, të cilat kanë shkaktuar një tronditje të rëndësishme në tregjet financiare.

LEXONI GJITHASHTU:

• Bursa amerikane bën rënie të menjëhershme pas tarifave të Trump
• Reagime të ashpra në Evropë pas vendosjes së tarifave të Trump ndaj BE-së
• Trump nënshkruan urdhrin për tarifat doganore: 20% për BE dhe 10% për Britaninë