Miliona për inceneratorët, Taulant Balla i mbron: Janë investime të domosdoshme

Kreu i Grupit Parlamentar të Partisë Socialiste Taulant Balla foli për çështjen e inceneratorëve, që sipas PD-së janë kthyer në vatra të grabitjes së parave të shqiptarëve.

Ai mori shembullin e inceneratroit të Elbasanit, ku tha se prej 2017 falë përpunimit të mbetjeve urbane nuk qarkullon më tym helmues në këtë qytet.

“E para, unë besoj që edhe ju e dini që inceneratorët janë investime të domosdoshme për të administruar dhe përpunuar mbetjet urbane të disa qyteteve të vendit. Në Elbasan ne i kemi dhënë një zgjidhje historisë së djegieve të mbeturinave, të cilat deri në 2017, kur përfundoi inceneratori, deri asokohe, për 26 vite mbi Elbasan frynte një tym i përnatshëm dhe ndoste qytetin dhe ishte burim i sëmundjeve kanceroze. Ky tym prej 2017-s nuk fryn më mbi Elbasan”, tha Balla. 

Pyetjes se pse vijohet të paguhet nga buxheti i shtetit për inceneratorin e Fierit, i cili ende nuk është ndërtuar, për këtë Balla u shpreh si vijon:

“Unë nuk di, që ky nuk është ndërtuar dhe nuk duhet paguar. Kur diçka është në ndërtim duhet ta paguash që të ndërtohet. I fundit në këtë vend është Lulzim Basha, i cili ankohet për këto kompani, nga të cilat, unë e kam thënë edhe herë të tjera drejton gishtin ditën dhe natën këto kompani paguajnë faturat tek familja e tij. Unë i kam dhënë provat”

Intervista e plotë: 

Lexoni gjithashtu:

Dy milionë euro për inceneratorët, koncesionarët në Fier dhe Tiranë paguhen, por nuk investojnë

72 milionë euro për tre inceneratorë që nuk punojnë

Bogdani: Koncesionet e inceneratoreve kapje e shtetit, drejtësia nuk i ka hetuar

Shoqata e Ricikluesve: Industria në prag të falimentimit

Basha: Rama po i çon lekët e shqiptarëve tek inceneratorët, 2 mln euro vetëm në 4 ditët e fundit