Ministra nga 8 vende të BE i kërkojnë Borrell të frenojë lëvizjen e diplomatëve rusë

Ministrat e Jashtëm nga tetë vende të Bashkimit Evropian i kanë dërguar një letër shefit të politikës së jashtme të BE-së, Josep Borrell, duke i kërkuar të frenojë lëvizjen e diplomatëve rusë në zonën Shengen, me shqetësimin e tyre se lëvizja e lirë e diplomatëve lehtëson “veprimtaritë keqdashëse”.

Dërgimin e letrës e konfirmoi më 13 qershor në një intervistë për Radion Evropa e Lirë, ministri i Jashtëm çek, Jan Lipavsky.

Ai tha se masa ishte e nevojshme sepse lëvizja e diplomatëve rusë dhe anëtarëve të familjeve të tyre në zonën Shengen “krijon infrastrukturën” për aktivitete të paligjshme.

Në letër thuhet se “inteligjenca, propaganda, apo edhe përgatitja e akteve të sabotimit janë ngarkesa kryesore e punës për një numër të madh “diplomatësh” rusë në BE”, sipas AFP-së, e cila mori një kopje të letrës.

LEXONI GJITHASHTU:

• Raporti i Borrell për Kosovën mund të përfshijë edhe mbylljen e bankave në veri
• Borrell: BE-ja mbështet planin e Bidenit për armëpushim në Gazë