Ministrat e Jashtëm të G7 shprehin mbështetje për Ukrainën pas bisedimeve në Kanada

Pas bisedimeve në Kanada, ministrat e jashtëm nga Grupi i Shtatë demokracive të industrializuara treguan publikisht konsensusin e tyre për Ukrainën dhe Sudanin të mërkurën.

Ministrat e G7 thanë në një deklaratë të përbashkët në përfundim të takimit dy-ditor se po rrisin kostot ekonomike për Rusinë dhe po shqyrtojnë masa kundër atyre që financojnë përpjekjet e luftës së Rusisë.

Kanadaja njoftoi më shumë sanksione kundër Rusisë, duke përfshirë shënjestrimin e atyre që janë të përfshirë në zhvillimin dhe vendosjen e dronëve, gjithashtu Britania një ditë më parë, premtoi para për infrastrukturën energjetike të Ukrainës.

Sekretari i Shtetit i SHBA-së, Marco Rubio, nuk bëri njoftime të menjëhershme në lidhje me nismat e reja të SHBA-së, por tha në mediat sociale se takimi u përqendrua në mënyrat “për të forcuar mbrojtjen e Ukrainës dhe për t’i dhënë fund këtij konflikti të përgjakshëm”.

“Po bëjmë gjithçka që është e nevojshme për të mbështetur Ukrainën. Jam këtu për të folur për punën që po bëjnë ministrat e G7-ës. Dhe kjo është pikërisht ajo që mendoj se duhet të diskutoj”, tha Ministrja e Jashtme Kanadeze, Anita Anand.

LEXONI GJITHASHTU:

• Ministrat e Jashtëm të vendeve të G7 mblidhen në Kanada për bisedime mbi Ukrainën
• Trump: Largimi nga G7 s’ka të bëjë me armëpushimin Izrael-Iran