Ministrat shqiptarë bojkotojnë vizitën e kryeministrit serb në Shkup

Kryeministri i Serbisë, Millosh Vuçeviç, ishte për një vizitë zyrtare në Maqedoninë e Veriut, ku është pritur nga kryeministri Hristijan Mickoski.

Ceremonia e pritjes është bojkotuar nga ministrat shqiptarë të Qeverisë së Maqedonisë së Veriut.

Mediat shqiptare në RMV raportojnë se Mickoski e priti Vuçeviçin vetëm me ministrat maqedonas, pa praninë e zyrtarëve shqiptarë.

Deri më tani, nuk ka pasur ndonjë reagim publik nga koalicioni i partive shqiptare që përfaqësohen në qeveri.

Koalicioni i partive shqiptare në qeveri, i njohur si “VLEN”, përfaqësohet me gjashtë ministra, njëri prej të cilëve mban edhe pozitën e zëvendëskryeministrit të parë.

LEXONI GJITHASHTU:

• Vuçiç takohet me kancelarin gjerman Scholz në Hamburg, zbardhen diskutimet
• “Tentativa për destabilizim në RMV”, Toshkovski: Do ti përgjigjemi ashpër opozitës