Ministri i Financave në Kosovë u kërkon falje ushtarëve të UÇK për fyerjet

Ministri i Financave i Kosovës, Hekuran Murati ka reaguar pas zhurmës së krijuar lidhur me komentet e tij kohë më parë ndaj ushtarëve të luftës së Ushtrisë Çlirimtare të Kosovës.

Në një reagim në rrjetet sociale, Murati ka thënë se shkrimet e para disa viteve kanë qenë nga mllefi me ata që asokohe, me fryrjen e listave për përfitime financiare e politike, po shtrembëronin historinë e luftës dhe të vërtetën kolektive.

Ai shprehet se i përulet sakrificës së secilit dëshmorë e kontributit të secilit ushtarë të luftës së Ushtrisë Çlirimtare të Kosovës.

“Ju siguroj se ato shkrime nuk kanë pasur synim ofendimin ndaj ushtarëve dhe dëshmorëve. E pranoj që gjuha e përdorur atëherë ka qenë e gabuar, prandaj ju kërkoj ndjesë të gjithë luftëtarëve të UÇK-së dhe familjeve të tyre”, ka shkruan Murati në Facebook.

LEXONI GJITHASHTU:

• Studiuesi i cilëson ‘trillime’ akuzat për ish-krerët e UÇK-së
• Arrestimi i krerëve të UÇK, Rama ngre dyshime se pas Hagës fshihet Rusia