Ministri i Jashtëm i Italisë paralajmëron për krizë të re migracioni në Siri

Ministri i Jashtëm i Italisë paralajmëroi për një krizë të re migracioni në Siri, mes ripërtëritjes së luftimeve midis forcave të regjimit të Bashar al-Asad dhe grupeve të armatosura të opozitës në vend.

“Libani tashmë po pret një milion refugjatë sirianë. Rreziku këtu është shfaqja e një krize të re migracioni si rezultat i një konflikti të brendshëm që mund të zgjasë gjatë”, u tha gazetarëve Antonio Tajani në margjinat e konferencës ndërkombëtare të ndihmës humanitare për Gazën në Kajro të hënën.

Ai gjithashtu paralajmëroi se ky konflikt, i cili prek drejtpërdrejt Libanin, mund të prekë edhe Evropën.

Forcat e opozitës, të përfshira në përleshje me forcat e regjimit për gjashtë ditët e fundit, kanë arritur përfitime të konsiderueshme territoriale, duke marrë nën kontroll qendrën rajonale të Alepos, si dhe zonat në jug të provincës Idlib drejt Hamës së kontrolluar nga regjimi.

LEXONI GJIHASHTU:

• Tajani mbron marrëveshjen: Shqipëria vend mik, mbështetje për në BE
• Rama nga Roma: Tajani dha premtimin se marrëveshja për pensionet do finalizohet