Ministri i luftës i Izraelit pritet të japë dorëheqjen nga qeveria e Netanyahut

Ndonëse në kohë lufte dhe me sfida të ndryshme çdo ditë, kabineti qeveritar i Benjamin Netanyahu është në rrezik të shpërbëhet për shkak të tërheqjes së anëtarëve të koalicionit.

Ashtu siç edhe e kishte paralajmëruar më herët, ministri i kabinetit të luftës Benny Gantz pritet të njoftojë në orët që vijnë tërheqjen e partisë së tij nga qeveria. Gantz i kishte lënë afat 8 qershorin kryeministrit Netanyahu që të shpallte një plan se si do të menaxhohej situata në Gaza pas luftës.

Në atë kohë, kryeministri nuk e priti mirë këtë ultimatum të Gantz, duke thënë se në vend të vinte afate për Hamasin ai po ushtronte presion ndaj qeverisë.

LEXONI GJITHASHTU:

• Së paku 18 të vrarë në Gazën qëndrore nga sulmet ajrore izraelite
• Shefi i OKB-së: Izraeli do futet në listën globale për shkelje ndaj fëmijëve