Ministri i Mbrojtjes i Izraelit: Udhëheqësi i Iranit nuk duhet të ekzistojë më

19 Qershor 2025 | 12:45

Ministri i Mbrojtjes së Izraelit, Israel Katz, ka bërë një deklaratë të ashpër ndaj udhëheqësit suprem të Iranit, Ali Khamenei, duke thënë se “nuk mund të lejohet më të ekzistojë”, pas një sulmi me raketa iraniane që goditi afër Spitalit Soroka në Beersheba.

Duke folur me gazetarët në Holon, afër Tel Avivit, Katz akuzoi drejtpërdrejt Khamenein se ka dhënë urdhra për të qëlluar mbi objekte civile. “Khamenei deklaron hapur se dëshiron që Izraeli të shkatërrohet, ai personalisht jep urdhra për të qëlluar spitalet. Ai e konsideron shkatërrimin e shtetit të Izraelit si një qëllim… Një njeri i tillë nuk mund të lejohet më të ekzistojë,” tha Katz, sipas mediave izraelite dhe agjencisë AFP.

Këto deklarata vijnë në një moment tensioni të skajshëm mes Izraelit dhe Iranit, ndërsa përplasjet e drejtpërdrejta ushtarake mes dy vendeve po intensifikohen.

Ndërkohë, media shtetërore iraniane ka mohuar që spitali të ketë qenë objektiv i qëllimshëm, duke thënë se sulmi kishte në shënjestër një lokacion ushtarak që ndodhej pranë Spitalit Soroka, jo vetë spitalin.

Konflikti midis dy vendeve ka hyrë në një fazë të re të rrezikshme, ku retorika politike po ashpërsohet paralelisht me përshkallëzimin ushtarak në terren. Deklarata e Katz pritet të shkaktojë reagime të forta si në nivel diplomatik, ashtu edhe në skenën ndërkombëtare.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Trump prezanton pasaportën e re amerikane me portretin e tij për 250-vjetorin e Pavarësisë së SHBA-së

Presidenti amerikan Donald Trump prezantoi të premten pasaportat koleksionuese që mbajnë portretin e tij, të cilat do të qarkullojnë në një numër të kufizuar në...
09:06 | 27/06/2026

Meloni dhe Trump, një grindje shumë publike që po rezulton shumë e vështirë për t’u rregulluar

Në rrjetet sociale në Itali po qarkullon një meme i gjeneruar nga inteligjenca artificiale, që tregon Giorgia Melonin duke bërë të gjitha gjërat që mund...
08:19 | 27/06/2026

Bilanci tragjik i tërmeteve në Venezunelë deri tani: 920 viktima dhe 3360 të plagosur

Më shumë se 900 persona janë vrarë dhe 3,360 të tjerë janë plagosur nga tërmetet në Venezuelë, sipas qeverisë, ndërsa ekipet e shpëtimit vazhdojnë të...
08:16 | 27/06/2026