Ministri i Mbrojtjes i Serbisë rezulton pozitiv me coronavirus

Ministri Mbrojtjes së Serbisë Aleksandar Vulin ka rezultuar pozitiv me coronavirus. Lajmi është bërë i ditur përmes një deklarate nga qeveria.

Vulin nuk ka shfaqur simptoma të virusit dhe do vazhdojë të punojë nga shtëpia ku do të qëndrojë i vetizoluar. Ai është nënshtruar testit pasi një sekretar i shtetit u shtrua në spital.

Ministri i ka bërë thirrje qytetarëve “që të respektojnë rregullat” e vendosura nga qeveria për të “parandaluar përhapjen dhe gjurmimin e COVID-19”, shkruhej në deklaratën e qeverisë.

Serbia ka lehtësuar masat në Maj dhe së fundmi ka shënuar një rritje të rasteve të reja. Në vend janë 13.565 raste dhe 265 vdekje.

Vulin ishte në një vizitë në Moskë gjatë së martës ku u takua me 75 anëtarë të Gardës së Ushtrisë Serbe, të cilët morën pjesë në Paradën e Fitores për të shënuar 75-vjetorin e fundit të Luftës së Dytë Botërore.  

Mediat serbe kanë raportuar se edhe zyrtarë të tjerë kanë rezultuar pozitiv me virusin por se presidenti Aleksandar Vuçiç është në gjendje të mirë shëndetësore.

Vuçiç u takua me Vladimir Putin gjatë kohës kur ishte në Rusi dhe më pas është takuar me zyrtarë të BE në Bruksel të premten në mbrëmje.

Lexoni gjithashtu: 

Tenisti i njohur Novak Djokovic rezulton pozitiv me COVID-19

Parashikimi i OBSH-së, shumë shpejt 10 milionë të infektuar me COVID-19 në botë

Kroacia rikthen karantinën, 14 ditë izolim për udhëtarët nga Serbia, Kosova, RMV dhe Bosnje e Hercegovina