Ministrja e Jashtme gjermane: BE të mbajë premtimin për Shqipërinë e RMV-në

Ministrja e Jashtme e Gjermanisë, Annalena Baerbock thotë se BE duhet të mbajë ‘premtimin’ për Shqipërinë dhe Maqedoninë e Veriut.

Baerbock ka bërë një deklaratë të tillë në përfundim të mbledhjes së Këshillit për Marrëdhëniet me Jashtë në BE.

Ministrja gjermane ka bërë thirrje që të nisin bisedimet për anëtarësimin e Shqipërisë dhe RMV duke theksuar se është “kyçe për sigurinë e BE-së” por edhe një “çështje gjeopolitike”.

“Duhet të mbajmë premtimet tona dhe të nisim negociatat e anëtarësimit për Shqipërinë dhe Maqedoninë e Veriut”, tha Baerbock.

Especially in these times, support for #WesternBalkan countries on their way to #EU is a key security & geopolitical issue. Must stand by our promises and start overdue accession negotiations with #Albania and #NorthMacedonia. – @ABaerbock 3/3 pic.twitter.com/p9HasavJRi

— Germany in the EU (@germanyintheeu) May 16, 2022

Shqipëria dhe RMV ende nuk kanë nisur negociatat për hyrje në BE për shkak se Bullgaria ka vendosur veto ndaj Shkupit.

Vendet anëtare të BE-së do të duhet të marrin vendim me votë unanime për mbajtjen e konferencave ndërqeveritare me dy vendet që shënon dhe nisjen e negociatave për anëtarësim.