Miqësorja me Italinë, Reja nuk ndryshon skemë, Berisha: Na ndëshkon mentaliteti

Shqipëria dhe Italia do të përballen sonte në një ndeshje miqësore në “Air Albania”. Në prag të kësaj sfide, trajneri i axurrëve, Roberto Mançini ka kujtuar se Italia do të luajë për fitore duke vlerësuar se Shqipëria në shtëpi është një ekip i fortë.

“Nuk është se vijmë për pushime, por për të bërë një ndeshje të mirë, duke e ditur se ka vështirësi, se Shqipëria luan në shtëpi dhe nuk është aq e dobët. Shpresojmë të bëjmë një ndeshje të mirë dhe të shohim se si shkon. Shqiptarët në Itali janë të gjithë të aftë se ndryshe nuk do të luanin në Itali. Është e vështirë që një lojtar që luan në Itali të jetë mesatar, janë të gjithë të aftë, ndaj luajnë në kombëtare”, tha Mançini.

Leonardo Bonuçi mendon se Shqipëria aktuale është më e talentuar se ajo e vitit 2017. Duke folur para mediave në konferencën për shtyp në Tiranë ai ka parashikuar një sfidë edhe më të vështirë.

Ndërsa për Etrit Berishën “kjo ndeshje është shumë e rëndësishme, sidomos pas ndeshjeve jo të mira në Nations League, kjo është një mundësi për të treguar vlerat tona, tha Berisha. Duke i njohur ekipin e Italisë do të mundohemi të bëjmë një ndeshje shumë të fortë pasi kemi kualitetet e duhura. Nuk jam i frikësuar thjesht kam respekt për Italinë, pasi shquhet për lojë teknike. Në Europian janë dalluar të gjithë, do përgatisim lojën në mënyrën më të mirë të mundshme”, theksoi portieri i Kombëtares.

LEXONI GJITHASHTU:

• Rrugët që bllokohen prej miqësores Shqipëri-Itali
• Italia më shumë se miqësore, axurrët grumbullojnë ‘yjet’ në përballjen me Shqipërinë