Mitaj i del në mbrojtjet Hysajt: Ka shumë kontribute, synojmë pikët ndaj Kroacisë

Kombëtarja shqiptare ka nisur përgatitjet në prag të përballjes së dytë në grupet e Euro 2024, atë ndaj Kroacisë. Kuqezinjtë vijnë pas humbjes me Italinë në shifrat 2-1, ndërsa këtë të hënë është zhvilluar konferenca e radhës për shtyp. Përpara gazetarëve doli mbrojtësi Mario Mitaj, i cili analizoi ecurinë e ekipit, si dhe u ndal në kritikat e shokut të tij të repartit, Elseid Hysaj.

“Me thënë të drejtën po përgatitemi, kemi analizuar Kroacinë, duam të futemi në fushë dhe të shohim gjithcka lojë për lojë. Marrim rezultat pozitiv, e shohim më pas Spanjën”, tha Mitaj.

Në sfidën e parë, në humbjen ndaj Italisë, vërdhuan kritikat ndaj Hysaj, ndërsa Mitaj i del në mbrojtje shokut të repartit.

“Nuk është bukur të kritikosh një lojtar me të tillë kontribut. Hysaj ka dhënë kontribut, është dicka e vogël kur gabon”, deklaroi Mario Mitaj.

Shqipëria luan përballë Kroacisë të mërkurën në orën 15, ndërsa të dyja skuadrat janë në kuotën e 0 pikëve.

LEXO GJITHASHTU:

• Euro 2024| Italia fiton ndeshjen kundër Shqipërisë me rezultatin 2-1
• BBC e UEFA jehonë golit të Shqipërisë ndaj Italisë: Më i shpejti në Europian