Mjeku Pipero: Duhen ndërmarrë “kufizime të arsyeshme” për të frenuar COVID-19

Mjeku infektolog, Pëllumb Pipero bën apel për respektimin e rregullave anti-covid nga të rinjtë pasi shumë prej tyre nuk e mbajnë maskën siç duhet ose nuk e përdorin aspak.

Madje z. Pipero thotë se duhen ndërmarrë “kufizime të arsyeshme”, duke iu referuar kufizimeve në ora për disa shërbime siç janë restorantet dhe mbyllja e lokaleve të natës.

“Kufizime të orarit të shërbimeve sidomos në restorante gjatë darkë dhe natës. Kufizimi apo mbyllja e lokale vetë natës. Në bare shohim që protokolli nuk respektohet”, deklaroi mjeku.

Z. Pipero më tej tha se, përdorimi i maskës në rrugë sjell efektivitet edhe pse virusi transmetohet shumë pak në rrugë.

“Mundësia e transmetimit të virusit në rrugë është e vogël. Ne e konsiderojmë aksidentale dhe në këtë aspekt efikasiteti duket i vogël. Ndërkohë efektiviteti është i madh por sa do pak infektime që të parandalohen do të jetë i madh. Interpretimi im për maskat nuk është kontradiktor por ka evoluar në raport me vijimin e pandemisë”, tha ai.

Mjeku gjithashtu nënvizoi se, COVID-19 është një virus që nuk respekton sezonalitetin ndaj infektimet gjatë dimrit do të vijnë duke u shtuar.

Infektologu i njohur tha se, për çdo rast të zbuluar me coronavirus, mund të ketë pesë deri në dhjetë herë më shumë të infektuar prej tij se sa numri i personave që autoritetet identifikojnë.

Intervista e plotë:

Lexoni gjithashtu:

Frika nga rimbyllja! Pëllumb Pipero: Treguesit që duhet të na shqetësojnë