Dy mjekë dhe 1 infermier në Fier u arrestuan pasi dyshohet se mjekuan Nuredin Dumanin në banesë para se të kapej nga policia.
Arrestimi i mjekëve dhe infermierit u bë pas këqyrjes së kamerave të sigurisë. Ata akuzohen për moskallëzim krimi.
Sipas burimeve, Nuredin Dumanit i është gjetur edhe një celular i enkriptuar.
Nuredin Dumani, një ndër personat më të kërkuar nga policia, u kap të martën gjatë një aksioni të RENEA-s.
Dumani dyshohet se ka kryer atentatin dje në Elbasan, ku një BMW u qëllua gjatë lëvizjes me rreth 20 plumba. Brenda makinës dyshohet se udhëtonte kundërshtari i tij Talo Çela, gjithashtu i shumëkërkuar nga policia.
Nga shkëmbimi i zjarrit, Dumani ka mbetur i plagos. Ai kishte organizuar pritë për të vrarë Çelën.
LEXONI GJITHASHTU:
- FOTO | Momente nga arrestimi i Nuredin Dumanit brenda shtëpisë në Fier
- PROFIL | Nuredin Dumani i përfshirë në disa vrasje, përplasjet me Talo Çelën