Moldavia zbulon gjashtë dronë në hapësirën ajrore, njëri rrëzohet mbi një shtëpi

Ministria e Mbrojtjes e Moldavisë raportoi se gjashtë dronë shkelën hapësirën ajrore të martën në mëngjes, gjatë sulmeve me rreze të gjatë veprimi të Rusisë në Ukrainë.

Qeveria tha se droni i parë që shkeli hapësirën ajrore u zbulua pranë Vulcanesti, pranë kufijve me Ukrainën dhe Rumaninë, dhe se pesë dronë të tjerë u zbuluan në të gjithë vendin.

Sakaq, një nga dronët ra mbi çatinë e një shtëpie në Moldavinë veriore.

“Pak minuta më parë, në kopshtin e një shtëpie në qytetin Cuhureştii de Jos, në rrethin Floresti, një dron ra mbi shtëpinë e rojes”, njoftoi policia moldave.

Ndërkohë, një ekip për çaktivizimin e bombave dhe teknik është dërguar në vendngjarje ndërsa banorët e shtëpive janë evakuuar dhe policia ka rrethuar zonën.

Në Rumaninë fqinje, NATO ngriti gjithashtu në ajër avionë luftarakë pasi të paktën një dron rus hyri në hapësirën e saj ajrore gjatë natës së të martës.

LEXONI GJITHASHTU:

• Moska: Rrëzuam 40 dronë ukrainas mbi Krimenë, Detin e Zi dhe Belgorod
• Ukraina godet me dronë një termocentral në rajonin e Moskës, përfshihet nga flakët