Monedha europiane fiton pikë, rriten edhe valutat e tjera

Monedha europiane po rimëkëmbet në tregun shqiptar. Një euro këmbehet sot 110 lekë dhe në ecurinë e dy javëve të fundit ajo ka fituar 7 pikë kundrejt monedhës tonë.

Valutat e huaja po fitojnë pikë në mënyrë të qëndrueshme kundrejt lekut.

Euro, monedha kryesore që qarkullon në Shqipëri, këmbehet 110 lekë. Ajo po rritet në mënyrë progresive dhe ka fituar 7 pikë gjatë dy javëve të fundit.

Edhe dollari amerikan, po këmbehet për 100.5 lekë, paundi për 127.4 lekë dhe franga zvicerane për 114 lekë.

Dobësimi i lekut në këtë periudhë duket i pazakontë, pasi sezoni turistik është në kulmin e tij, dhe prurjet e mëdha të valutave nga turistët historikisht e kanë forcuar monedhën vendase.

Por, ndërhyrjet e Bankës Qendrore në tregun valutor, besohet se janë faktori kryesor që ka ndikuar në rritjen kursit.

Banka e Shqipërisë ka vendosur zyrtarisht të rrisë shumën e planifikuar të blerjeve të valutës për vitin 2023.

Sipas informacionit të përditësuar, shuma e parashikuar e blerjeve për vitin kalendarik do të jetë në intervalin mes 220 dhe 300 milionë eurove.

LEXONI GJITHASHTU:

• Kapet kanabis me vlerë 5 mln euro në Australi, kush është shqiptari i arrestuar
• Euro ra kundrejt dollarit, lajme të këqija nga Eurozona dhe Gjermania