Kur kanë kaluar gati 10 vite nga vendosja e moratoriumit të gjuetisë duket se kjo e fundit nuk ka ndaluar në asnjë moment.
Paqësor Gorellari gjuetar i vjetër thotë se ndalimi i gjuetisë solli vetëm paligjshmëri e së ne lokalet e Pogradecit mund të gjesh lehtësisht mish të kafshëve të egra.
“Moratoriumi për shoqatat e gjuetarëve është i dështuar. Ishte vetëm për kastën, elitën e zgjedhur dhe kontrabandën. Gjuetarët e thjeshtë dështuan, u hoq çdo e drejtë. Gjuetarët e ndershëm me sakrificat e tyre nuk dolën njëherë tja bënin bam. Kush ishte i lidhur me parinë, me policinë, të fortët dalin. Po të shkosh në dyqane plot me mish, ku u vra kur është e ndaluar”,-tha Paqësor Gorellari, gjuetar.
Në fakt, të dhënat zyrtare nga agjencia e zonave të mbrojtura në rajonin e Korçës flasin se gjatë vitit 2024 nuk ka pasur asnjë rast të konstatuar të gjuetisë së paligjshme, edhe pse janë konstatuar kurthe të paligjshme për kafshët e egra në zonat pyjore. Në kushte në tilla, sipas gjuetarëve të ligjshëm, shteti ka dështuar të zbatojë moratorumin e gjuetisë.
“A bëjnë kontroll nuk e di por ama me kompetencë të them asnjë gjuetar i jashtëligjshem nuk është dënuar. Kush i kontrollon? Kush i zë? Natën ditën pa limit, është jashtë sezonit, kaprollja. Të hapet gjuetia ta monitorojë shoqata e gjuetarëve, e gjuetia do marrë rrugë. Kriminele te faunës”,-tha gjuetari.
Në të gjithë Qarkun e Korçës numërohen mbi 400 gjuetarë të rregullt të cilët prej vitesh çiftet i mbajnë të varura në mur.
LEXONI GJITHASHTU:
- Çfarë mund të ndodhë në frontin ukrainas pa ndihmën amerikane?
- Turqia nis ndërtimin e murit 8.5 kilometra në kufirin perëndimor me Greqinë
