“Mos më vrit”, burri në Turqi qëllon për vdekje gruan në mes të rrugës

Mediat sociale në Turqi u mbushën me lajmin për një vrasje të tmerrshme që ndodhi në lagjen Tasuluk në lagjen Arnavutkoy të Stambollit, ku një burrë qëlloi në kokë gruan e tij në mes të ditës në sy të kalimtarëve, pas një sherri verbal mes tyre.

Sipas mediave, 40-vjeçari Harun Gul qëlloi disa plumba në kokën e gruas së tij, Serpil Gul, 35 vjeç, të shtunën, gjë që çoi në vdekjen e saj të menjëhershme.

“Mos më vrit, mendo për fëmijët”, dëgjohej gruaja t’i thoshte ish-të shoqit, i cili pasi e ndoqi me vrap, e qëlloi tre herë me armë.

Vrasjet e femrave janë shtuar vitet e fundit në Turqi, veçanërisht pas tërheqjes së saj nga Konventa e Stambollit për Eliminimin e Dhunës ndaj Grave. Raportet e të drejtave të njeriut kanë treguar se një përqindje e madhe e të vrarëve ishin viktima të vrasjeve të kryera nga bashkëshortët apo ish-partnerët, pasi çdo vit në Turqi regjistrohen shumë raste të vrasjeve me paramendim të grave.