Moska: Konflikti në Ukrainë është një përplasje mes NATO-s dhe Rusisë

“Ngjarjet në Ukrainë nuk janë një përplasje mes Moskës dhe Kievit, kjo është një përplasje ushtarake midis NATO-s, dhe mbi të gjitha Shteteve të Bashkuara dhe Anglisë dhe Rusisë.”- kështu është shprehur  Sekretari i Këshillit të Sigurimit rus, Nikolai Patrushev, një besnik i Vladimir Putinit në një intervistë për gazetën ruse Argumenty i Fakty.

Në deklaratën e tij ai tha se NATO po çon ushtarët e Ukrainës drejt vdekjes së sigurtë.

“Me ndihmën e një operacioni special ushtarak, Rusia po çliron rajonet e saj nga okupimi dhe duhet t’i japë fund eksperimentit të përgjakshëm të Perëndimit për të shkatërruar popullin ukrainas”- ka thënë ndër të tjera ai, raporton Ansa. 

LEXONI GJITHASHTU: 

• Ministri rus i Mbrojtjes: Do të zhvillojmë raketa balistike dhe nëndetëse bërthamore
• Aksident në aksin Elbasan-Librazhd, makina bie në lumin Shkumbin