Përkeqësohet gjendja e motit, pezullohen lundrimet drejt Italisë

Drejtoria e Përgjithshme Detare ka informuar qytetarët se për shkak të kushteve të motit, tragetet e udhëtarëve drejt Barit dhe anasjelltas të planifikuar për këtë të martë, do të spostohen për në orën 07:00 të mëngjesit të ditës së nesërme.

Bëhet me dije se ky vendim është i vlefshëm vetëm për udhëtimet e planifikuara për ditën e sotme, ndërkohë që për ditët në vijim Drejtoria Detare pritet të njoftojë qytetarët me një komunikatë të dytë.

“Drejtoria e Përgjithshme Detare ju njofton se në bazë të komunikimeve të Kapitenerisë së Portit Durrës me Kapitenerinë e Portit të Barit, si rezultat i përkeqësimit të kushteve atmosferike në zonën detare të Barit si edhe nga konfirimi i agjensive detare, ne datën 10.01.2023 tragetet e linjës Durrës-Bari-Durrës nuk do të nisen nga portet respektive në orarin e zakonshëm por do të nisen rreth orës 7:00 të mengjesit të datës 11.01.2023.

Kompanitë e lundrimeve do tē respektojnë gjithë detyrimet që lindin nga anullimi i lundrimit, prandaj për çdo informacion mund të kontaktoni me agjensitë detare.

Për çdo ndryshim të situatës do t’ju informojmë në vijim”, thuhet në njoftim.

LEXO GJITHASHTU:

• Përkeqësohet moti në vend, Drejtoria e Përgjithshme Detare njoftim të rëndësishëm
• FOTO | Rikthehen reshjet e dëborës në juglindje të vendit
• Rikthehet bora në Dardhë, sa pritet të shkojnë temperaturat