Mot i keq në vend, ndryshon itinerari i lundrimeve të trageteve Durrës-Bari

Për shkak të kushteve të pafavorshme atmosferike gjatë mbrëmjes së djeshme një nga dy tragetet e planifikuara për lundrim drejt Barit nuk arriti të nisej.

Udhëtarët e prekur nga kjo situatë janë asistuar nga kompanitë përkatëse, të cilat kanë marrë masat për ridrejtimin e tyre me nisjet pasuese. Autoriteti Portual Durrës informon se do të vijoj monitorimi i situatës meteorologjike dhe lëvizjen e mjeteve detare.

Njoftimi i plotë:

Informacion për lundrimet e trageteve nga Durrësi drejt Barit dhe anasjelltas

Autoriteti Portual Durrës informon se, për shkak të kushteve të pafavorshme atmosferike gjatë mbrëmjes së datës 4 janar 2026, një nga dy tragetet e planifikuara për lundrim drejt Barit nuk arriti të niset.

Udhëtarët e prekur nga kjo situatë janë asistuar nga kompanitë përkatëse, të cilat kanë marrë masat për ridrejtimin e tyre me nisjet pasuese.

Situata aktuale e lëvizjes së trageteve për ditën e sotme është si më poshtë:

•Trageti “Rigel VII” mbërrin në Portin e Durrësit në orën 11:00 dhe do të niset në orën 13:00.

 •Trageti “Rigel V” pritet të mbërrijë rreth orës 15:00 dhe do të niset rreth orës 23:00.

•Trageti “Rigel III” parashikohet të mbërrijë rreth orës 21:00 dhe do të niset pas mesnatës.

  •“GNV Cristal” është planifikuar të niset në orën 23:00.

Autoriteti Portual Durrës vijon të monitorojë me vëmendje situatën meteorologjike dhe lëvizjen e mjeteve detare, në bashkëpunim të ngushtë me kompanitë lundruese dhe autoritetet përgjegjëse, me qëllim garantimin e sigurisë dhe mbarëvajtjes së operacioneve portuale.