Mrekulli në Venezuelë, shpëtohet foshnja 18-ditëshe pas 32 orësh nën rrënoja

Një foshnjë e porsalindur u shpëtua nga rrënojat e një ndërtese të shembur, 32 orë pasi dy tërmete shkatërruan Venezuelën.

Një video tregon ekipet e shpëtimit duke punuar nën dritat e prozhektorëve, sipër një grumbulli rrënojash, duke nxjerrë foshnjën mes duartrokitjeve, vonë natën e kaluar, në qytetin më të goditur të vendit, La Huira.

Objektivi i kap ata duke ia dhënë njëri-tjetrit foshnjën, të mbështjellë me një batanije, përpara se ta pastrojnë me kujdes fëmijën me peceta.

Sipas përdoruesit që postoi videon në rrjetet sociale, foshnja, vetëm 18 ditëshe, doli e padëmtuar nga rrënojat pasi qëndroi e bllokuar për 32 orë. Nëna e foshnjës u shpëtua një orë më vonë .

Të paktën 920 persona kanë humbur jetën dhe mijëra të tjerë janë plagosur pas dy tërmeteve me magnitudë 7.2 dhe 7.5 ballë të shkallës Richter që goditën veriun e vendit të mërkurën, duke lënë më shumë se 50,000 të zhdukur.