“Na detyruan të largohemi menjëherë pas ndeshjes, po na dëmtojnë fizikisht”, trajneri i Iranit kritika për organizimin e Botërorit
Trajneri i kombëtares së Iranit, Amir Ghalenoei, ka shprehur pakënaqësi të fortë ndaj organizimit të Botërorit, duke deklaruar se skuadra e tij u urdhërua të largohej nga Shtetet e Bashkuara vetëm pak orë pas ndeshjes së parë kundër Zelandës së Re, e cila përfundoi në barazim 2-2.
Sipas Ghalenoeit, ekipi kishte planifikuar të kalonte natën në Kaliforni për të ndjekur procedurat normale të rikuperimit fizik pas ndeshjes. Megjithatë, menjëherë pas përfundimit të takimit, futbollistët dhe stafi teknik u informuan se duhej të hipnin menjëherë në avion për t’u kthyer në bazën e tyre stërvitore në Tijuana, Meksikë.
“Madje nuk na dhanë as kohë për t’u rikuperuar. Pas ndeshjes së sotme na thanë: ‘Duhet të largoheni menjëherë’. Për ne është shumë e rëndësishme të kemi kohë për rikuperim, por na kërkohet të udhëtojmë menjëherë drejt Tijuana-s dhe kjo na shqetëson shumë”, tha trajneri iranian përmes një përkthyesi.
Edhe kapiteni i Iranit, Mehdi Taremi, kritikoi situatën, duke kërkuar më shumë mbështetje nga FIFA.
“Duhet të largohemi nga Los Anxhelesi menjëherë dhe kjo nuk është aspak e mirë për ne. Mendoj se FIFA duhet të na ndihmojë më shumë. Në fakt, për ne kjo situatë është një katastrofë”, deklaroi Taremi.
Kombëtarja iraniane është vendosur në Tijuana gjatë turneut, ndërsa udhëtimet e shpeshta dhe mungesa e kohës për rikuperim mund të ndikojnë në përgatitjen e ekipit për ndeshjet e ardhshme të Botërorit.
Miliona tifozë në Kupën e Botës 2026, cili vend ka pjesëmarrjen më të lartë të tyre
Rekord unik nga Norvegjia, 3 futbollistë të saj luajtën së bashku në një Kupë Bote si baballarët e tyre në vitin 1994
Argjentina e nis si kampione, Natë historike për Lionel Messin
- 18:05 PE miratoi rezolutën për Shqipërinë, ministri Hoxha: Riafirmohet mbështetja për rrugën drejt BE-së
- 17:53 Marrëveshja SHBA-Iran, Macron: I jep fund një situate paqëndrueshmërie që pati pasoja për ekonomitë tona
- 17:52 Finlanda merr vendimin historik, Parlamenti voton pro heqjes së ndalimit për armët bërthamore
- 17:35 Rama: A është Evropa gati për momentin e saj të ardhshëm të Helmut Kohl?
- 17:35 Eksperti i transportit detar paralajmëron: Hormuzi mund të mos kthehet në normalitet deri në fund të vitit
- 17:22 Protesta në Tiranë, raportuesi i PE: Jemi në dijeni, shqetësimet e qytetarëve janë serioze