NASA eksperimenton me bujqësinë në hapësirë

Astronautët e NASA në bordin e Stacionit Ndërkombëtar të Hapësirës më në fund kanë shijuar specat e parë djegës të rritur në hapësirë ​​për 4 muajt e fundit.

Grupi i austronautëve jo vetëm që kultivuan specat e parë djegës, por i konsumuan në taco.

Astronautja Megan MacArthur bëri të ditur se kanë konsumuar speca djegës të kuq dhe jeshil. Ajo e cilësoi ushqimin si “tacot më të mira hapësinore”.

Friday Feasting! After the harvest, we got to taste red and green chile. Then we filled out surveys (got to have the data! 😁). Finally, I made my best space tacos yet: fajita beef, rehydrated tomatoes & artichokes, and HATCH CHILE! https://t.co/pzvS5A6z5u pic.twitter.com/fJ8yLZuhZS

— Megan McArthur (@Astro_Megan) October 29, 2021

Theksojmë se Astronautëve iu desh të regjistronin përvojën e tyre pasi kultivimi I specave ishte pjesë e një eksperimenti më të gjerë.

NASA tha se eksperimenti synon të eksplorojë mënyra për rritjen e produkteve për misioneet hapësinore më afatgjata.

Astronautët mbollën farat në një habitat të avancuar bimësh, një kabinë zhvillimi e pajisur me më shumë se 180 sensorë dhe drita LED.

Ekipi në Qendrën Hapësinore Kennedy mbolli specat pothuajse në të njëjtat kushte në Tokë për të parë nëse mikrograviteti dhe faktorë të tjerë në hapësirë ​​ndikuan në rritjen e tyre.