NATO: Dënojmë shënjestrimin e Turqisë nga Irani

Organizata e Traktatit të Atlantikut të Veriut, NATO ka reaguar këtë të mërkurë dhe ka dënuar shënjestrimin e Turqisë nga Irani. Në reagim NATO thekson se qëndron fort me të gjithë aleatët e saj.

“Ne e dënojmë shënjestrimin e Turqisë nga Irani. NATO qëndron fort me të gjithë aleatët, përfshirë Turqinë, ndërsa Irani vazhdon sulmet e tij pa dallim në të gjithë rajonin”, tha zëdhënësja Allison Hart.

Ajo shtoi se qëndrimi i NATO-s i parandalimit dhe mbrojtjes mbetet i fortë në të gjitha fushat, përfshirë mbrojtjen ajrore dhe raketore. 

Ministria turke e mbrojtjes njoftoi sot se mbrojtja ajrore e NATO-s rrëzoi një raketë balistike iraniane të lëshuar drejt hapësirës ajrore turke. Ministria tha se Turqia do të flasë me NATO-n dhe aleatët e saj të tjerë pas incidentit.