NATO dhe BE krijojnë grup të ri pune për forcimin e bashkëpunimit

Sekretari i Përgjithshëm i NATO-s, Mark Rutte, dhe presidentja e Komisionit Evropian, Ursula von der Leyen, ranë dakord të martën për krijimin e një grupi të ri pune të nivelit të lartë, me qëllim forcementin e bashkëpunimit midis BE-së dhe NATO-s.

Takimi në Bruksel shënon herën e parë që Rutte e zhvillon këtë bisedë pas marrjes së detyrës më 1 tetor.

Në një deklaratë të përbashkët, ata theksuan rëndësinë e një partneriteti të ngushtë në një botë gjithnjë e më të rrezikshme, duke e cilësuar atë si jetik për mbrojtjen e paqes, lirisë dhe prosperitetit.

Grupi i ri i punës do të adresojë “kërcënimet dhe sfidat në zhvillim”, dhe planifikimi për takimin e parë të tij pritet të ecë përpara në javët në vijim.

Duke u fokusuar në luftën e Rusisë ndaj Ukrainës, Rutte e cilësoi këtë konflikt si “kërcënimin e vetëm më të madh” për sigurinë evropiane.

Ai gjithashtu raportoi se trupat e Koresë së Veriut janë dërguar në Rusi, duke përshkruar këtë si një “përshkallëzim të rëndësishëm” dhe një “kërcënim serioz për sigurinë evropiane dhe paqen globale”.

LEXONI GJITHASHTU:

• Kreu i NATO-s dënon sulmin terrorist në Turqi: Qëndrojmë me aleatin tonë
• Mbreti Charles përballet me protestë nga senatorja indigjene në Australi