NATO gati për stërvitje bërthamore, Stoltenberg: Po vëzhgojmë lëvizjet e Rusisë

Sekretari i Përgjithshëm i NATO-s, Jens Stoltenberg, tha sot se NATO do të kryejë ushtrimet vjetore për mbrojtje bërthamore javën tjetër, dhe se është duke vëzhguar nga afër forcat bërthamore të Rusisë.

“Nuk kemi parë ndonjë ndryshim në pozicionet e Rusisë, mirëpo ne jemi vigjilentë”, ka shtuar ai.

Ai ka thënë se çfarëdo sulmi në infrastrukturën kritike të NATO-s, do të nxisë “përgjigje të përbashkët dhe të vendosur”.

Presidenti rus, Vladimir Putin, i ka nënshkruar ditë më parë dekretet për aneksim të katër rajoneve ukrainase – Donjeck, Luhansk, Zaporizhja dhe Herson.

Ai ka thënë më pas se do t’i konsiderojë sulmet në këto territore si sulme ndaj vetë Rusisë dhe do të përdorë të gjitha mjetet për t’i mbrojtur ato.

LEXONI GJITHASHTU:

• Shqetësuese: A do ta zgjidhte ngrohjen globale një ‘luftë e vogël bërthamore’?
• A do të përdorë Rusia armë bërthamore?