NATO-së i shterojnë rezervat, 20 nga 30 vende anëtare s’kanë armatime për Ukrainën

27 Nëntor 2022 | 16:26

Dy të tretat e vendeve të NATO-s kanë ezauruar kapacitetet për të furnizuar me armatime Ukrainën. Kështu shkruan e përditshmja amerikane “New York Times”, që citon një funksionar të lartë të Aleancës.

“Rezervat e armatimeve të 20 nga 30 vendet anëtare të NATO-s kanë përfunduar”, ka deklaruar funksionari, i cili ka ruajtur anonimatin.

Megjithatë, ka vijuar ai, 10 vendet e mbetura kanë ende mundësi të ofrojnë më shumë, sidomos aleatët e mëdhenj të Ukrainës, mes të cilëve Italia, Franca, Gjermania dhe Holanda.

Konkretisht, situata e rezervave të armatimeve është e vështirë për Poloninë dhe vendet baltike, shkruan “New York Times”, që saktëson se në tërësi vendet e NATO-s i kanë dhënë Ukrainës armatime me vlerë 40 miliardë dollarë, shifër kjo e barabartë me buxhetin vjetor të mbrojtjes së Francës.

Sa i takon situatës në terren, në 24 orët e fundit në rajonin e Donjeckut kanë mbetur të vrarë të paktën 5 civilë si pasojë e bombardimeve ruse.

Lajmin e kanë bërë të ditur zyrtarët vendas, të cilët kanë saktësuar se për momentin është e pamundur të përcaktohet numri i saktë i viktimave.

Nga ana tjetër, Kievi akuzon Moskën se po përgatit një mobilizim të ri dhe të fshehtë trupash për t’i dërguar si përforcime në vijën e frontit.

Sipas Shtabit të Përgjithshëm të Forcave të Armatosura ukrainase, lëvizja pritet të aplikohet si në Rusi edhe në territoret e pushtuara të Ukrainës.

LEXONI GJITHASHTU: 

 

Home Kryefaqja
Shiko në: YouTube
Lajme të Sugjeruara

Tajani: Është SHBA-ja ajo që “duhet ta ndalojë Izraelin” për paqen në LM

Ministri i Jashtëm i Italisë Antonio Tajani tha të martën se Shtetet e Bashkuara janë vendi i pozicionuar më së miri për të ushtruar presion...
22:35 | 03/06/2026

SHBA tërheq trupat nga Lituania

Shtetet e Bashkuara kanë nisur tërheqjen e më shumë se 1 mijë ushtarëve amerikanë dhe pajisjeve ushtarake nga Lituania pas përfundimit të një periudhe dislokimi...
22:33 | 03/06/2026

Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta

Irani thotë se marina e saj shënjestroi një anije detare amerikane që strehonte një “qendër komande dhe kontrolli” ndërsa ajo po i afrohej ujërave territoriale...
22:27 | 03/06/2026