Provokimi serb në Botëror/ Flamuri me hartën e Kosovës, FIFA nis hetimet

Fotot e publikuara nga dhoma e zhveshjes e kombëtares së Serbisë përpara sfidës me Brazilin, ku shfaqej harta e Kosovës nuk ka kaluar pa vëmendjen e qeverisë botërore të futbollit.

FIFA ka hapur procedurën disiplinore ndaj Serbisë, teksa në flamur ishte një mbishkrim ku thuhej “Nuk dorëzohemi”, i njëjti u shfaq edhe nga tifozët në shkallët e stadiumit.

Të shtunën FIFA njoftoi nisjen e hetimit, ku në përfundim pritet të merret një vendim konkret. Ka qenë fillimisht federate e futbollit e Kosovës ajo e cila ka reagoi, por nuk vonuan as institucionet e tjera, të cilët dënojnë veprimin e turpshëm të lojtarëve serbë.

Kjo për faktin se hyrja në dhomat e zhveshjes është rreptësisht e ndaluar, madje duke parë dhe sigurinë në Katar, ndaj nuk përjashtohet një përfshirje e stafit të skuadrës.

Federata serbe e futbollit nuk ka bërë asnjë reagim deri më tani për rastin. Kombëtarja serbe u mposht në debutimin e kësaj kupe bote, ku u mposht nga Brazili me rezultatin 2-0.

LEXONI GJITHASHTU: 

• ‘Targat’, Elezi: Qytetarët e kanë pritur marrëveshjen, s’ka të bëjë me tradhti
• “Hakerat po shantazhojnë”, Progni: Publikimet janë mesazhe, sulmi kibernetik vazhdon