‘Targat’, Elezi: Qytetarët e kanë pritur marrëveshjen, s’ka të bëjë me tradhti

Eksperti i sigurisë Bedri Elezi komentoi marrëveshjen e arritur për targat mes Kosovës dhe Serbisë pak ditë më parë.

Në një intervistë për Euronews Albania, Elezi tha se marrëveshja nuk ka të bëjë me tradhtinë nga ana e kryeministrit të Kosovës Albin Kurtit, ndërsa shtoi se edhe qytetarët e Kosovës kanë dashur dhe duan siguri në vend.

“Kemi pas disa reagime, e madje duke kaluar deri te niveli i akuzës për tradhti. Kujtoj se kjo marrëveshje nuk ka të bëjë më tradhtinë. Është një marrëveshje që i ka dhënë hapësirë paqes. Është e rëndësishme që të ulen tensionet.

Ne jemi njerëz të paqes dhe kemi kërkuar që të gjithë zgjidhjet i kërkojmë përmes rrugës paqësore dhe politike. Kosova tani nuk do të rrezikohet nga një pasiguri apo nga një dhunë. Edhe qytetarët e Kosovës  kanë dashur dhe dëshirojnë që të kemi sigurinë e plotë. Kosova më shumë ka problem ekonomike juridike. Politika duhet të kishte reflektuar që në fillim. Kurti nuk i kupton pasojat me të cilat përballet Kosova nëse gabohet në politikë”- tha ai.

LEXONI GJITHASHTU: 

• Vlora çel festën, për 3 ditë promovohen produktet artizanale e të kulinarisë
• Brnabiç për marrëveshjen për targat: Paqja mbi politikën