Brnabiç për marrëveshjen për targat: Paqja mbi politikën

Kryeministrja serbe Ana Brnabiç tha sot se marrëveshja ndërmjet Beogradit dhe Prishtinës për riregjistrimin e automjeteve me targa serbe është një sinjal pozitiv për stabilitetin e të gjithë rajonit.

“Me shembullin tonë, ne duhet të vazhdojmë të tregojmë se paqja duhet të jetë gjithmonë mbi politikën”, tha Brnabiç në llogarinë e saj në Twitter.

Ajo ka falënderuar presidentin serb, Aleksandër Vuçiç, “që gjithmonë është sjellë si një burrë shteti i përkushtuar ndaj vendit dhe ka udhëhequr në rrugën e paqes”.

Shefi i diplomacisë së BE-së, Joseph Borrell, ka njoftuar mbrëmë se Beogradi dhe Prishtina, me ndihmën e BE-së, “u dakorduan për masat për të shmangur përshkallëzimin e mëtejshëm dhe për t’u fokusuar plotësisht në propozimin për normalizimin e marrëdhënieve, i cili u prezantua nga BE-ja si ndërmjetëse këtë shtator dhe që mbështetet nga Franca dhe Gjermania”.

LEXONI GJITHASHTU:

• Kurti: Në Bruksel u arrit dakordësi për targat, por jo marrëveshje
• Targat KM do të mbeten në përdorim, thotë Lista Serbe