Navalny: Humbja ushtarake e Rusisë në Ukrainë, “e pashmangshme”

Politikani i burgosur i opozitës ruse, Aleksei Navalny, ka thënë se humbja ushtarake e Moskës në Ukrainë është “e pashmangshme”, edhe nëse Kremlini dërgon më shumë trupa në betejë.

Navalny, 46-vjeçar, është duke vuajtur një dënim nëntëvjeçar për shkak të akuzave për përvetësim, të cilin mbështetësit e tij e shohin si ndëshkim për sfidim të Kremlinit.

Në një deklaratë të lëshuar pak para përvjetorit të parë të luftës së Rusisë në Ukrainë, Navalny ka thënë se Ukraina duhet ta caktojë vetë fatin e vet dhe se Rusia duhet të respektojë kufijtë e vitit 1991, shkruan REL.

“Jetët e dhjetëra mijëra ushtarëve rusë janë shkatërruar pa kuptim”, ka thënë Navalny në deklaratën që e ka konsideruar “platformë politike”.

“Humbja ushtarake përfundimtare mund të vonohet duke iu kushtuar me jetë qindra mijëra rezervistëve shtesë, mirëpo humbja e plotë është e pashmangshme”.

LEXONI GJITHASHTU:

• Navalny: Terri nga Rusia do të zhduket
• Navalny dërgohet në izolim të përhershëm