Ndahen çmimet Nobel për Letërsinë, Olga Tokarczuk dhe Peter Handke shpallen fitues

Këtë vit çmimi Nobel për Letërsinë është ndarë dy herë, pasi akademia suedeze e pezulloi ceremoninë vitin e kaluar, pas skandaleve që përfshinë këtë institucion.

Shkrimtari austriak, Peter Handke është shpallur fitues për çmimin Nobel për Letërsi për vitin 2019. Handke është vlerësuar nga akademia “për një punë me ndikim në eksplorimin e specifikës së përvojës njerëzore”.

Ndërsa çmimi Nobel për Letërsi për vitin 2018 i ka shkuar shkrimtares polake, Olga Tokarczuk.
Akademia e përshkruan 57-vjeçaren si një shkrimtare me imagjinatë narrative, që me pasion enciklopedik paraqet kalimin e kufijve si një formë e jetës.

Ndër kandidatët pretendentë ishte dhe shkrimtari Ismail Kadare, por nuk ka arritur ta fitojë as këtë vit.

Këtë javë, u ndanë edhe çmimet Nobel për Mjekësinë, Fizikën dhe Kiminë, ndërsa të premten do të ndahet Nobeli për Paqe.