Ndahet nga jeta në moshën 87-vjeçare piktori i njohur shqiptar, Skënder Kamberi

Është ndarë nga jeta në moshën 87-vjeçare piktori i njohur shqiptar Skënder Kamberi, një nga figurat më të spikatura të artit pamor në vend.

Piktori Skënder Kamberi konsiderohet si një prej piktorëve më të rëndësishëm shqiptarë, në veprat e të cilit spikasin vlerat, dashuria për artin, njerëzit dhe qytetin e tij të dashur, Vlorën.

Me një krijimtari të pasur prej mbi 1,400 veprash, Kamberi la pas një trashëgimi të rëndësishme që përfshin kompozime monumentale, portrete dhe peizazhe me forcë të veçantë artistike.

I lindur në Vlorë më 2 shkurt të vitit 1939, Skënder Kamberi mbaroi Liceun Artistik në vitin 1960 dhe më pas vazhdoi studimet në Institutin e Lartë të Arteve, ku u diplomua në vitin 1965.

Gjatë karrierës së tij, ai arriti të ruajë integritetin krijues, duke kaluar nga realizmi socialist drejt formave më të lira të shprehjes pas viteve ’90.

Disa prej veprave të tij ruhen në fondin e Galeria Kombëtare e Arteve, ndërsa të tjera janë ekspozuar në vende të ndryshme të botës, duke e bërë atë një emër të njohur edhe përtej kufijve të Shqipërisë.