Federata Shqiptare e Futbollit ka reaguar në lidhje me ngjarjen tragjike të së martës, kur futbollisti Bledar Hajdari humbi jetën në fushën e lojës.
Në njoftimin e FSHF-së thuhet se i riu ka shfaqur probleme shëndetësore dhe është rrëzuar në fushën e lojës.
“Për fat të keq, pavarësisht asistencës mjekësore dhe të gjitha përpjekjeve për ta rikthyer në jetë, futbollisti ka ndërruar jetë”, thuhet në njoftim.
“FSHF i shpreh ngushëllimet më të thella familjes Hajdari dhe ekipit të FC Dajtit për këtë humbje të madhe që ka shokuar të gjithë komunitetin e futbollit shqiptar”.
Njoftimi i plotë i FSHF
“Federata e Futbollit shpreh tronditjen e thellë për ngjarjen tragjike të ndodhur sot gjatë ndeshjes së vlefshme për gjysmëfinalet e kampionatit të futbollit amator 9×9 “FSHF Sunday League Albania”, FC Dajti-FC Lumninese në Shtëpinë e Futbollit .
Gjatë ndeshjes futbollisti i FC Dajtit, Bledar Hajdari, ka shfaqur probleme shëndetësore dhe është rrëzuar në fushën e lojës.
Menjëherë i është dhënë ndihma e shpejtë, duke e transportuar urgjentisht me ambulancën e pranishme në ndeshje për në spitalin e Traumës.
Për fat të keq, pavarësisht asistencës mjekësore dhe të gjitha përpjekjeve për ta rikthyer në jetë, futbollisti ka ndërruar jetë.
FSHF i shpreh ngushëllimet më të thella familjes Hajdari dhe ekipit të FC Dajtit për këtë humbje të madhe që ka shokuar të gjithë komunitetin e futbollit shqiptar.
Në këto momente të vështira, Federata Shqiptare e Futbollit qëndron pranë familjes, miqve dhe bashkëlojtarëve të Bledar Hajdarit, duke ndarë me ta pikëllimin për këtë ndarje të parakohshme dhe të rëndë”, thuhet në njoftimin e FSHF.
Ngjarje tragjike në Tiranë, futbollisti humb jetën gjatë ndeshjes gjysmëfinale
Në ndeshjen gjysmëfinale të kampionatit 9×9 mes FC Dajtit dhe FC Lumninesen, një futbollist ka humbur jetën në fushë.Bëhet fjalë për futbollistin Bledar Hajdari 28 vjeç, pjesë e skuadrës së Dajtit. pic.twitter.com/WMUpbwCfGg
— Euronews Albania (@EuronewsAlbania) April 16, 2025
LEXONI GJITHASHTU:
