Ndarja nga jeta e Zef Dedës, reagon i biri Julian Deda

Aktori Julian Deda ka reaguar në lidhje me ndarjen nga jeta e të atit Zef  Deda ditën e sotme.

Në një postim që ka bërë në rrjetet sociale, ai ka njoftuar se homazhet do të bëhen nesër në hollin e Teatrit “Migjeni”.

Ndërkohë në orën 13:00 do të bëhet dhe përcjellja e tij për në banesën e tij të fundit në varrezat  e Rrmajit.

“Me dhimbje te thelle, ju njoftoj për ndarjen nga jeta te babait tim, Zef Deda.

Homazhet do behen neser (e Shtune, 25 Nentor) ne hollin e Teatrit “Migjeni”, qe ishte edhe shtepia e tij e dyte, duke filluar nga ora 09:00. Pas homazheve, ne oren 13:00, kortezhi niset per meshen e drites, me pas percjellja per ne banesen e fundit, ne varrezat e Rrmajit”-tha ai.

Zef Deda ishte një nga komedianët më të njohur shqiptar, i cilësuar edhe si Charlie Chaplin i Shqipërisë.

Lindi në Shkodër më 27 korrik 1950. U shkollua në qytetin e tij të lindjes, dhe ndoqi politeknikumin e ndërtimit në Tiranë. Filloi shkollën e lartë për gjuhë – letërsi, por nuk e mbaroi dot për arsye shëndetësore. Ka punuar për më shumë se 40-vite në Teatrin Migjeni të Shkodrës.

Talenti i tij spikat që në moshë të vogël. Me një shkathtësi dhe me një plastikë të shkelqyër psiko-fizike ai arrine të realizojë qindra figura artistike. Prandaj ishte mjaft i dashur për publikun shqiptar, sidomos atë Shkodran. Pas një shkeputje prej 6 vitesh, për shkak te emigrimit jashtë atdheut, ai kthehet në vitin 1996 në Shqipëri për të ushtruar profesionin e aktorit, të cilin e vazhdoi me sukses.

Zef Deda ishte i martuar me Rozina Dedën dhe ka dy djem, Julian Deda dhe Marjan Deda. Zef Deda gjithashtu ka interprertuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.

LEXONI GJITHASHTU: 

• Arrestimi i Breçanit, Berisha: Polic i vlerësuar, s’ka qenë kurrë badigardi im
• Dyshohet se u rrëzuan në kopsht, paraqiten në QSUT dy fëmijë. Prokuroria nis hetimet