Ndërhyrja në TIMS/ Beci: Të kërkohet ndihmë nga SHBA, ata e kanë ndërtuar

Eugen Beci, ish-prokuror i krimeve të rënda, foli në lidhje me ndërhyrjen tek të dhënat e sistemit TIMS.

Në një intervistë për emisionin “Review” në Euronews Albania, Eugen Beci tha se duhet të kërkohet ndihmë teknike nga SHBA, pasi kjo e fundit e ka ndërtuar dhe menaxhuar.

“U fol që TIMS nuk është prekur dhe nëse do të ishte seriozisht angazhimi i faktit që kemi të bëjmë me një sulm terrorist  që do të duhet patjetër të hetohet nga SPAK sot do ishte shumë e thjeshtë nga ana e Prokurorisë të kishte një aneks të këtij sulmi. Prokurori nuk është specialist i IT, por drejtues i hetimit. Sistemi TIMS është ngritur nga SHBA dhe është menaxhuar nga SHBA. Është shumë e thjeshtë të kërkosh asistencë teknike nga SHBA për të realizuar faktin e një ekspertimi të plotë, për të kuptuar se çfarë ka ndodhur”-tha ai.

LEXONI GJITHASHTU: 

• Karamuço: Do hapet kutia e pandorës, TIK ka përpirë më shumë fonde se inceneratorët
• Ndërhyrja tek të dhënat e TIMS/ Ferdinand Dervishi rrëfen si ka ndodhur ngjarja