Ndërtimet pa leje, Ben Andoni: Standard i dyfishtë, Rama të kursejë daljet publike

Analisti Ben Andoni u shpreh në një intervistë për Euronews Albania se ka një standard të dyfishtë për ndërtimet pa leje në Shqipëri.

Sa i përket aksionit të fundit të qeverisë për ndërtimet pa leje, ai nënvizoi se Edi Rama duhet të kursehet në daljet publike, pasi situatat tregojnë se rrënjët e korrupsionit janë shumë të thella.

“Kryeministri duhet që ka një qasje jo shumë të afërt me administratën e tij. Inspektoratet kanë organet sinjalizuese. Ka një standard të dyfishtë për ndërtimet pa leje. Duhet të ndërgjegjësohen institucionet. Opozita përveç kundërshtisë dhe paraqitjes së fakteve duhet të japë alternativa për funksionet që do kenë inspektoriatet, në momentet që do tentojnë të vijnë në pushtet.

Ne momentin që këta njerëz që ndërtojnë pa leje, nuk kanë frikë as nga policia as nga inspektoriatet, atëherë tregohet se rrënjët e korrupsionit tek ne janë shumë të thella. Në mendimin tim, kryeministri duhet t’i kursejë këto dalje. Kryeministrat flasin nëpërmjet akteve, nëpërmjet gjendjeve”, u shpreh Andoni.

LEXONI GJITHASHTU:

• ‘Mbyllni ALUIZNI-n’, Spahiu: Nuk duhet të ketë legalizime për ndërtimet pa leje
• Konfiskimi i kateve pa leje, Rama: Mua nuk më kap dot askush me para