‘Ndihem i sulmuar’, Ramazan Rraja nga Dubai për Euronews Albania: S’kam lidhje me ngjarjen e Lezhës (Ekskluzive)

“Ditën që ka ndodhur ngjarja kam qenë një sebep familjar. Nuk kam lidhje me ngjarjen e Lezhës”. Kështu deklaroi për Euronews Albania Ramazan Rraja, i cili ndodhet në Dubai.

Gjatë një bisede telefonike me gazetarin Merin Maçi, Rraja deklaroi se nëse autoritetet shqiptare kanë një provë ndaj tij, është i gatshëm të përballet me drejtësinë, duke pranuar edhe burgim të përjetshëm.

“Nëse Policia dhe Prokuroria e Lezhës kanë qoftë edhe një provë për mua dhe dy personat e tjerë që janë shpallur në kërkim, jam i gatshëm të vij dhe të përballem me drejtësinë duke pranuar edhe burgimin e përjetshëm”, deklaroi ai.

Rraja nënvizoi se në Dubai ka hyrë dhe ka dalë disa herë, për shkak se në Shqipëri ndihet i sulmuar.

Ramazan Rraja bashkë me Alesio Dobrozin dhe Rohan Brahimin janë 3 të rinjtë e shpallur në kërkim nga Policia e Lezhës për ngjarjen e 13 nëntorit në fshatin Zejman, ku në ambientet e një lokali mësynë disa persona të armatosur.

Këta të fundit kërkonin kushëririn e pronarit të lokalit, por ky i fundit nuk ndodhej atje. Dyshohet se shkak i kësaj ngjarjeje është bërë prishja e pazareve të drogës.

LEXONI GJITHASHTU:

• U futën të armatosur në lokalin në Lezhë, 3 të rinjtë arratisen në Dubai