Një 49-vjeçar është vënë në pranga në Fier, ku sipas policisë, ka ndihmuar shtetasin A.N të largohej nga vendi i ngjarjes ditën e djeshme, pasi plagosi një person me armë zjarri.
Policia arrestoi në flagrancë shtetasin B. H., 49 vjeç, banues në Mallakastër, për veprën penale “Përkrahja e autorit të krimit”.
Në cilësinë e provës materiale u sekuestruan automjeti me të cilin është larguar autori, brenda të cilit u gjetën 1 armë zjarri pistoletë, 1 krehër, 12 fishekë dhe 1 pistoletë paralizuese.
Autori 52-vjeçar është identifikuar nga policia dhe vijon puna për kapjen e tij.
Ngjarja ka ndodhur rreth orës 13:15 pranë rrethrrotullimit, në rrugën e vjetër që të çon në drejtim të Vlorës, në lagjen “11 janari”, ku i plagosur mbeti shtetasi D. M., 50 vjeç, i cili është jashtë rrezikut për jetën.
LEXONI GJITHASHTU