Ndikimi në aksionet ushtarake ruse pas arrestimit të Durov, shpjegimi i ekspertëve

Arrestimi i fundit i Pavel Durov, themeluesit dhe CEO i aplikacionit Telegram ka ndezur debat të nxehtë në të gjithë botën, përfshirë mediat ruse.

Pjesa më e madhe e analizave në Rusi ndajnë disa qëndrime, të tilla si ndikimi që mund të ketë arrestimi i tij në “operacionin ushtarak special” të Moskës në Ukrainë.

Telegrami përdoret gjerësisht nga ushtarët rusë për komunikim dhe shkëmbim informacioni në Ukrainë.

Shumë ekspertë të intervistuar nga gazetat, kanalet televizive dhe stacionet radio ruse shqetësohen se arrestimi i Durov mund të komprometojë informacionin thelbësor të dërguar përmes aplikacionit.

Arrestimi i shefit ekzekutiv të aplikacionit ka nxitur gjithashtu thirrje brenda Rusisë për autoritetet që të lehtësojnë zhvillimin e një sistemi alternativ të mesazheve, veçanërisht për ushtrinë.

Durov u ndalua në aeroportin Le Bourget në Paris pas mbërritjes së tij nga Azerbajxhani. Mediat franceze kanë përmendur mungesën e moderimit në Telegram dhe refuzimin e pretenduar të Durov për të bashkëpunuar me forcat e rendit si arsye për arrestimin e tij.

LEXONI GJITHASHTU:

• Macron për arrestimin e CEO-s së Telegram: Qeveria franceze nuk ishte e përfshirë
• Arrestimi i bosit të ‘Telegram’, protestë në Moskë para ambasadës franceze