Kur duhen ende disa ditë nga hapja e merkatos së transferimeve skuadrat e mëdha evropiane kanë nisur kontaktet e para. Padyshim në krye të listës qëndron Manchester City, e cila gjatë viteve të fundit ka investuar së tepërmi, teksa objektivi i radhës është një argjentinas. 17-vjeçari i cili shkëlqeu në kupën e botës me albiçelestët, Claudio Echeverri është në orbitën e kampionëve të Anglisë, të cilët janë shumë pranë transferimit të mesfushorit të River Plate.
Raphael Varan po ashtu është një tjetër objektiv në merkato, por për Realin e Madridit dhe Bayernin e Mynihut. Francezi 30-vjecar shihet si përforcim për të dyja skuadrat, ndërsa pritet që në ditët në vijim të ketë dhe oferta konkrete.
Qëndrimi për 1 sezon larg kupave të Evropës, nuk e ka dëmtuar ekonomikisht Juventusin, e cila kërkon të përforcojë mesfushën. Zonja e vjetër nisi kontaktet me Atletiko Madrid për De Paul, por klubi spanjoll refuzoi menjëherë kalimin e argjentinasit, duke bërë që drejtuesit e torinezëve të hedhin sytë diku tjetër. Objektiv është Kalvin Philips, i cili nuk po merr minutazhin e duhur tek Manchester City. Konkurrenca tek ekipi i Guardiolës është e madhe, duke bërë që 28-vjecari britanik të marrë në konsideratë transfertën italiane.
LEXONI GJITHASHTU:
- Chelsea nxjerr në shitje Brojën, 22-vjeçari vlen 30 mln euro. Ekipe e interesuara
- Golashënuesi më i mirë i 2023-shit, Ronaldo drejt një një tjetër rekordi
